Австрискиот Obrist се подготвува за претворање на било која Tesla во хибриден автомобил
Австриската компанија Obrist најави интересен проект со својот генератор на нула вибрации (ZVG). Станува збор за бензински мотор вграден во Model 3 на Тesla за да биде, како што велат Австријците, „еколошки поприфатлив“
И покрај драстично намалената батерија, Model 3 има долг дострел и, според конструкторите, останува климатски неутрален и покрај моторот со внатрешно согорување.
Во основа, станува збор за сериски хибриден погон. За погонот е задолжен заден електричен мотор од 100 kW / 136 КС, кој енергијата ја црпи од намалената батерија од 17,3 kWh. Тоа е помалку од батериите од 52 kWh или 82 kWh што ги користи Teѕla. Напред е инсталиран еднолитарски двоцилиндерски бензински мотор. Не е физички поврзан со погонот, туку го стартува генераторот, кој пак го напојува електричниот погон со електрична енергија.
Двоцилиндерскиот мотор е максимално изолиран. Во задниот дел на Tesla има резервоар за гориво од 30 литри. Тоа наводно е доволно за долги патувања, бидејќи потрошувачката на гориво треба да биде помеѓу 2,5 и 4,5 литри на 100 километри.
Покрај бензинскиот мотор со моќност од 40 kW, Obrist развил и еквивалент од 45 kW за е-горива како што е метанол. Еко гориво за новата варијанта може да се добие од климатски неутрален водород, кој исто така ќе има неутрален јаглероден отпечаток. Хибридниот погонски систем би требало дури и да ги исполнува границите на стандардите за емисија на штетни гасови Еуро 7.
Според Оbrist, соодветно производствено возило би имало многу помала тежина од електричната Tesla и би чинело отприлика исто колку и конвенционален бензински модел, поради намалените батерии и трошоци. Obrist ја најавува својата варијанта за 2025 година.