Audi e-tron Sportback – втор модел на струја од Инголштат / ФОТО ГАЛЕРИЈА
Audi објави фото галерија од својот нов електричен модел, кој изложбените салони пристигнува оваа пролет
Audi e-tron Sportback својата светска премиера ја имаше во ноември на автосалонот во Лос Анџелес. Новиот електричен модел се базира на електричниот е-Tron, но линиите на Sportback се нагласено спортски, со цел привлекување и на помладата генерација и на оние покнервативните купувачи.
Автомобилот стандардно е опремен со 19-инчни алуминиумски фелни, а на располагање се тркала и со дијаметар од 20 и 22-инчни.
Топ варијантата e-tron Sportback 55 quattro е опремена со батерии од 95 kWh. Овој модел има два електрични мотори со комбинирана моќност од 360 КС (265 kW) и 560 Nm. Забрзувањето од 0-100 km/h се реализира за 6,6 секунди, а максималната брзина на автомобилот е 200 km/h. Audi e-tron Sportback 55 quattro може да помине до 466 км со едно полнење на батеријата, измерено според стандардот WLTP.
Кога возачот ќе го активира спортскиот режим на возење (S мод), електричните мотори испорачуваат 408 КС (300 kW) и 664 Nm. Оваа инјекција на моќност е достапна само во пократки интервали, не подолго од осум секунди, а тогаш автомобилот забрзува до „стотка“ за само 5,7 секунди.
Клиентите кои сакаат да потрошат помалку пари, можат да ја изберат верзијата е-tron Sportback 50. Автомобилот има помала батерија од 71 kWh и послаба комбинација на електромотори, кои заедно произведуваат 313 КС (230 kW) и 540 Nm. Забрзувањето е исто така малку побавно, од 0-100 km/h за 6,8 секунди, со максимална брзина од 190 km/h. Автономијата во овој случај е до 347 километри со полни батерии.
Производителот наведува дека на брз полнач (од 120 kW за Sportback 50 и 150 kW за Sportback 55), батериите се полнат до 80% од капацитетот за помалку од 30 минути.
ФОТО ГАЛЕРИЈА
[useyourdrive dir=”191l4lug3vl6HgLYHUSt66dXKet2fviSL” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Audi e-tron Sportback во изложбените салони пристигнува оваа пролет, а цената во Германија започнува од 71.350 евра.