Apple не се откажува! Продолжува со плановите за „iCar“: Имаат повеќе самоуправувачки прототипови од Mercedes и Tesla
Нивната самоуправувачка флота се состои од 67 автомобили и 201 возач, што е значително повеќе од Tesla, која распоредува 59 возачи во 14 автомобили
Гласините за влезот на Apple во автомобилската индустрија можеби стивнаа откако го достигнаа својот врв во 2021 година – кога гласините за поврзаност помеѓу Apple и Kia доведоа до раст на акциите на корејскиот производител на автомобили. Оттогаш, и Toyota и Porsche се во игра, но освен неколку состаноци и шепотења на разминување, сè уште не е познато како би изгледал „iCar“.
Сепак, она што се знае е дека Apple продолжува со своите планови да го донесе автомобилот на пазарот и директно да се спротивстави на Tesla. Она што е најважно во таа битка се чини дека е тоа што Apple ги става „сите карти“ на автономната технологија.
Според MacReports, судејќи според најновите податоци од програмата за автономни возила на Калифорнија DMV, Apple постојано го зголемува бројот на автономни прототипови. Нивната самоуправувачка флота се состои од 67 автомобили и 201 возач, што е значително повисоко од бројот на Tesla, кој распоредува 59 возачи во само 14 автомобили. Автономната флота на Apple во Калифорнија е исто така поголема од Mercedes, која вработува 179 возачи за 55 автомобили.
Apple сè уште заостанува за Waymo (971 возач и 326 автомобили), Cruise (414 возачи и 709 автомобили) и Zoox (1.021 автомобил и 167 автомобили), додека Nvidia има повеќе возачи – 262, но управува со многу помалку автомобили или само 13.
Другите информации добиени од извештајот се дека автомобилите без возач на Apple биле вклучени во 16 сообраќајни несреќи – последната од нив била мал судир во тротоарот, а се случила додека автомобилот се возел мануелно.
Така, иако изгледите автомобилот на Apple наскоро да го видиме на автомобилскиот пазар се навистина мали, барем се знае дека тимот на тестери расте. Иако производителот на iPhone можеби не нашол партнер со кој ќе го изгради автомобилот, извештајот кон крајот на минатата година сугерираше дека проектот би можел да заврши во 2026 година.