Дали е ова конечниот дизајн на VW Golf VIII?
Се ближи промоцијата на најпопуларниот светски хеџбек
Се разбира, станува збор осмата итерација на Volkswagen Golf. Шпионски слики колку сакате на интернет, вклучувајќи и неколку официјални тизери. Сето тоа е добра основа за рендерот објавен деновиве. Премиерата на новиот Golf е потврдена за октомври оваа година, а увид во тоа како би требал да изгледа новитетот од Vokswagen ни дава рускиот портал Kolesa.ru.
Се разбира, нема значајни дизајнерски егзибиции, бидејќи се следи традиционалниот еволутивен пристап.
Дали ова ќе биде дефинитивниот изглед на новиот Golf ќе дознаеме за неколку месеци. НО, очигледно, Volkswagen се држи до онаа народната: тоа што функционира, не се менува!