BMW ја подготвува Серија 8 Gran Coupe
По купе и кабриолет верзиите, новата Серија 8 ќе биде достапна и со 4-врати или Gran Coupe варијанта
Камуфлираниот предпродукциски примерок од следната Серија 8 Gran Coupe е забележан во Минхен за време на тест возење на улиците на овој германски град.
Автомобилот е делумно покриен со маскирана фолија која ги крие деталите за дизајнот на екстериерот, првенствено на оние делови од телото каде што Gran Coupe се разликува од верзиите купе и кабриолет.
На предниот дел на возилото недостасува камуфлажа, бидејќи овој сегмент е копиран од двата веќе познати модели од Серија 8.
Врз основа на некои детали за екстериерот на овој предпродукциски примерок, како што се масивните издувни цевки, се претпоставува дека ова е моќна M850i варијанта.
Во тој случај, под хаубата на тест возилото работи 4.4-литарски twin-turbo V8 со 530 КС (390 kW) и 750 Nm максимален вртежен момент.
Освен оваа верзија, Серија 8 Gran Coupe ќе биде достапна и во дизел издание 840d со реден 6-цилиндерски 3.0 литарски twin-turbo мотор кој произведува 320 КС (235 kW) и 680 Nm моторот.
Подоцна, треба да се очекува и варијанта M8 со најмалку 600 коњски сили.
BMW 8 Серија Gran Coupe својата премиера ќе ја има во 2019 година, најверојатно во март кога се одржува автосалонот во Женева.