Tesla стигна до историски достигнувања
Досега ниту еден производител не успеал да продаде толку многу електрични автомобили на територијата на САД за еден месец
Илон Маск конечно може да биде барем малку задоволен. Tesla Model 3 конечно е на вистинскиот пат или таму каде што требаше да биде одамна. Производството е се поголемо, а со тоа и испораката на нарачани автомобили. Секако, Tesla нема проблеми со пласманот, бидејќи компанијата веќе одамна има добиено повеќе од 400.000 резервации. Тоа е привилегија што никој досега не ја имал.
Преведено во бројки, Tesla Model 3 во текот на мај и јуни имала месечна продажба од околу 6.000 примероци. Сепак она вистинското, доаѓа во јули, кога на пат кон клиентите тргнале 14,250 примероци, што е рекорд за електричен автомобил.
Со овие бројки Tesla Model 3 на годишна основа e на чело на листата на најпродавани со 38.617 продадени примероци. Досегашниот рекорд го имаше Nissan Leaf со 30.200 примероци продадени во 2014 година. Tesla e во голема предност бидејќи до крајот на годината има уште пет месеци.
Кога станува збор за поскапите Model S и Model X, нивната продажба стагнира и е на ниво од 1.200, односно 1.325 копии месечно, што сепак е доволно далеку за високо 3-ти и 4-то место. На второто место е Toyota Prius Prime со 1.984 примероци.