Apple Watch 4 ќе има поголем екран и подобра батерија
Продажбата на Apple часовници би требало да се зголеми на крилјата на новиот часовник со атрактивен дизајн, но и на постарите модели кои ќе останат на продажба, но по пониска цена
Fitbit неодамна претстави нов модел на паметен часовник, кој доаѓа со скоро сите опции кои корисниците денес ги бараат од овие уреди (единствено нема GPS) и повеќето технололошки новинари кои го имаат тестираат уредот заклучуваат дека Apple Watch го добил најопасниот конкурент, а некои дури го прогласуваат и за најдобар.
Само ден-два потоа откако се објавени овие рецензии „се јави“ Минг Чи Куо, аналитичар кој го следи Apple со години и чии извори досега се покажувале како многу сигурни, а повеќето од гласините кои тој ги објавил како точни. Според неговите извори, Тим Кук и неговиот тим ја подготвуваат следната генерација на паметниот часовник кој ќе биде презентиран во текот на третиот квартал од оваа година, веројатно за време на септемвриската конференција и претставувањето на новите модели на iPhone.
Apple Watch Series 4 треба да има нов трендовски дизајн, 15 отсто поголем екран во споредба со сегашниот модел (големина на уредот може да остане иста како и на претходните модели, но, наводно, рабовите околу екранот би биле помали), поиздржлива батерија и нови опции за следење на здравјето на корисникот. Иако тој не споменува поддршка за LTE, може да се претпостави дека, како и во случајот Apple Watch Series 3, уредот ќе се продава во две верзии – класична и со поддршка за LTE.
Apple во моментов доминира на овој пазар и во компанијата конечно можат да бидат задоволни од продажбата на третата генерација, а Куо за оваа година предвидува продажба на помеѓу 22 и 24 милиони часовници, што претставува зголемување од околу 30 отсто во однос на претходната година, додека на долг рок се смета дека продажбата ќе изнесуваат и 50 милиони годишно.
Во оваа компанија се надеваат на раст на продажбата на крилјата на новата генерација на часовникот со атрактивен дизајн и постарите модели кои ќе останат на продажба, но по пониска цена, што е особено важно, бидејќи за многумина токму цената на Fitbit Verse (200 долари) би можела да биде од големо значење при изборот на нов модел на часовник.