Oткако Tesla драстично ги намали цените, побарувачката за автомобили на американскиот бренд е огромна!
Продавниците на Tesla бележат рекордни продажби, а залихите на произведени автомобили брзо се намалуваат
Американскиот производител на електрични автомобили Tesla неодамна најави големи попусти на своите автомобили. Маржите досега беа екстремно високи, така што Tesla може безболно да ги намали цените. Очигледно, целта сега е да се зголеми обемот на продажба без оглед на гневот на клиентите кои ги купиле автомобилите пред падот на цената – по полна цена.
„Electrek“ објави дека побарувачката за автомобили Tesla во САД експлодирала по падот на цената. Наводно, продавниците на Tesla бележат рекордни продажби, а залихите на произведените автомобили брзо се намалуваат. Се чини дека и идното производство е распродадено со месеци однапред.
Најголем пад на цената има кај кросоверот Model Y, од почетна цена од 65.990 долари на само 52.990 долари. Ова намалување на цената значи дека сега Американците имаат право на федерален даночен кредит од 7.500 американски долари. Најпопуларниот електричен автомобил во САД сега може да се купи со попуст од повеќе од 20.000 долари.