Во 2024 година Tesla би можелa да претстави електричен модел кој би чинел 23.000 евра?!
Model 2 има потенцијал да стане најпродаваниот модел на производителот на електрични автомобили и може да послужи како повик за будење за остатокот од индустријата
– -Tesla Model 2 (Render)-
Според новиот извештај, Tesla би можелa да го претстави своето долгоочекувано електрично возило кое би можело да чини 23.000 евра – во 2024 година.
Аналитичарот на Tesla, Луп Вентуре, неодамна ги објави своите прогнози за 2023 година, тврдејќи дека новата Tesla, потенцијално наречена Model 2, би можела да биде претставена во 2024 година.
Сепак, неговото предвидување не се заснова на никакви инсајдерски информации од Tesla, што значи дека не треба да го сфатиме ова како веродостојна информација.
„Tesla ќе почека до 2024 година за да го објави Model 2“, вели аналитичарот. „Ако компанијата објави автомобил со пониска цена прерано, ризикува да ја забави продажбата на Model 3, а истовремено да го зголеми капацитетот за време на она што веројатно ќе биде поширока автомобилска рецесија“.
Последен пат Илон Маск зборуваше за Model 2 за време на извештајот за заработката на производителот на автомобили во четвртиот квартал од 2021 година, кога што тој призна дека работата на автомобилот допрва треба да започне, истакнувајќи дека „Tesla има доволно работи во моментов, дури и премногу“.
Teslarati.com тврди дека Tesla China го предводи развојот на новиот основен модел. За него се познати многу малку детали, освен целта на Tesla да го продава за 25.000 долари, што е значително пониско од почетната цена на Model 3 од 46.990 долари (44.000 евра) во САД. Сепак, имајќи предвид дека Model 3 требаше да биде EV на Tesla од 35.000 долари (33.100 евра), сосема е можно Model 2 никогаш да не биде достапен за само 25.000 долари.
Без оглед на тоа, Model 2 има потенцијал да стане најпродаваниот модел на производителот на електрични автомобили и би можел да послужи како повик за будење за остатокот од индустријата за електрични автомобили принудувајќи ја да развива автомобили со слична цена кои сигурно ќе им се допаднат на мнозинството потрошувачи.