Електричниот Volkswagen ID.1 одложен за 2025 година
Според плановите, Volkswagen планира и мал електричен модел под најверојатното име ID.1 и со прифатлива цена, кој според некои претходни најави требаше да се појави во 2023 година
Сепак, новите информации велат дека овој модел е одложен за неколку години (веројатно за 2025 година), бидејќи приоритет на Volkswagen е ID.Buzz, кој е планиран за следната година.
ID.1 ќе биде „градско дете со 5 врати“ (најверојатно базирано на адаптирана верзија на MEB платформата), кој на клиентите ќе им се нуди во неколку различни верзии, во зависност од батеријата и автономијата.
Доколку се остварат сегашните неофицијални најави, цената на Volkswagen ID.1 ќе биде околу 20.000 евра, но сепак треба се да почекаме за повеќе детали.