Bentley Centanne Concept, автомобил со дневна соба
Просторот за автомобили е важен за секој возач, но тој простор е генерално ограничен. Во Bentley решиле да ги преместат границите и претставија концепт на автомобил со опција за инсталација на дневна соба
Centanne Concept е името на концептниот автомобил на Bentley чиј дизајн е целосно во согласност со сегашните стандарди во автомобилската индустрија.
Дизајнeрот Џозеф Робинсон, Centanne Concept го дизајнирал како комбинација на фиксна електрична погонска платформа и целосно променлива патничка кабина, според потребите на клиентот.
Покрај тоа, клиентот не мора да се одлучи за само една, бидејќи променливиот салон доаѓа во три варијанти – стандард, купе и кросовер. Секоја варијанта е прилагодена за специфичен вид патувања, без оглед дали станува збор за авантуристичко истражување, поспортски авантури или лов / риболов.
Она што е исто така новина е тоа што некои варијанти нудат простор кој најдобро може да се опише како дневна соба кој е сместен таму каде што обично е сместен багажниот простор. Дневната соба доаѓа со многу простор за нозете со софа во стилот „љубовно седиште“. Отворањето на задниот дел е исто така прилично уникатно и потсетува на отворање на крилата на инсектите.
Концептот Centanne е класифициран како еден вид спортски автомобил дизајниран за возење со голема брзина и долги патеки, што е добар опис со оглед на високиот луксуз што го нуди и перформанси, кои сè уште не се претставени затоа што станува збор за концепт, иако нема сомнеж дека ќе бидат на многу високо ниво.
