Премиера за Lamborghini Revuelto: хибридниот наследник на Aventador со 1015 КС! / ФОТО+ВИДЕО
Описот V12 Hybrid HPEV покажува дека станува збор за електрифициран plug-in хибрид со високи перформанси.
Голем ден за Lamborghini: компанијата од Sant’Agata Bolognese го претстави наследникот на долговечниот Aventador. По сликите од маскиран прототип, рендери и официјални детали за погонот, сега конечно и официјално е прикажан новиот суперспортски модел – Revuelto.
Во Lamborghini, за новиот модел, кој повторно носи име на борбен бик од шпанската корида, велат дека не е ништо помалку од „нова парадигма во светот на суперспортските модели“.
Погон, шасија, управување, аеродинамика…
Описот V12 Hybrid HPEV покажува дека станува збор за електрифициран plug-in хибрид со високи перформанси.
Иако култниот атмосферски V12 во форма на самостоен погон замина во историјата засекогаш, новиот револуционерен погон се состои од ново развиен 6,5-литарски атмосферски V12 и три електромотори.
Две се сместени на предната оска, секој напојува едно од предните тркала, а третиот е поставен на целосно новиот 8-брзински менувач со двојна спојка.
Тежи само 193 килограми вклучувајќи го и електромоторот, а од Lamborghini велат дека во пракса е побрз од 7-брзинскиот DCT во моделот Huracan и дека нуди нова опција за повеќекратно префрлување во пониските степени на пренос со едноставно држење на левата рачка за време на сопирањето. Дополнително, менувачот сега, како и кај легендарната Miura, е поставен попречно зад V12.
Ова создава простор во централниот тунел каде што се наоѓа литиум-јонската батерија од 3,8 kWh, долга 1,55 метри и широка 24 сантиметри. Може да се полни од приклучница до 7 kW (0 до 100 проценти за 30 минути). Чисто електричниот досег е речиси 10 километри.
Што се однесува до моќноста, 128 КС на литар волумен е нов интерен рекорд, а само V12 моторот има 825 КС при вртоглави 9.250 вртежи во минута со максимален вртежен момент од 725 Nm при 6.500 вртежи во минута. Во исто време, црвената област започнува дури на 9500/мин!
Понатаму, секој од двата предни електромотори тежи 18,5 килограми и испорачува 110 kW (150 КС) и 350 Nm вртежен момент на предните тркала, а има и функција за векторирање на вртежниот момент.
Максималната моќност на системот е 1015 КС. Во исто време, производителот не ја наведува бројката за максималниот вртежен момент на системот.
Revuelto забрзува од 0 до 100 km/h за 2,5 секунди, до 200 km/h за помалку од 7 секунди, а според Lamborghini, максималната брзина е „повеќе од 350 km/h“.
Третиот електричен мотор има моќност од 110 kW и 150 Nm и делува како стартер и генератор, снабдувајќи ги со енергија двата предни мотори преку батеријата, но може да ја придвижи и задната оска кога автомобилот е во целосно електричен режим. Во зависност од режимот на работа, Revuelto станува модел со погон на четири тркала со нулта емисија.
За заштеда на енергија, тука е и режимот Е, во кој се користи само погонот на предните тркала.
Податоците за потрошувачката не се објавени, но е објавено дека емисиите на CO2 се намалени за 30 проценти во споредба со Aventador Ultimae.
Основната „шасија“ за Revuelto е целосно нова рамка од карбонски влакна инспирирана од воздухопловството, таканаречен „Monofuselage“. И предната структура е целосно изработена од јаглерод и според производителот, прва од ваков вид во суперспортски автомобил. Во споредба со Aventador, новиот модел е 10 проценти полесен.
Предната рамка е 20 проценти полесна од алуминиумскиот претходник. Крутоста на структурата е зголемена за 25 проценти. Задниот дел е изработен од алуминиум, а Revuelto има суспензија со двојни попречни рамеа напред и назад.
Распределбата на тежината е 44:56 проценти напред/назад, а во споредба со Aventador Ultimae, стабилизаторите се за 11 проценти поцврсти напред и 50 проценти назад.
Дополнително, управувањето е „изострено“ за 10 проценти.
Активната аеродинамика, особено предниот сплитер и новиот дизајн на покривот, преку кој воздухот се насочува кон активното задно крило, се наменети за зголемување на аеродинамиката (+61 отсто) и потисната сила (+66 отсто). Електричното векторирање на вртежениот момент, кое исто така работи заедно со управувањето на задните тркала, ја помага динамиката на возењето.
Стандардните гуми за Revuelto се run-flat Bridgestone Potenza sport во димензии 265/35 ZRF20 напред и 345/30 ZRF21 назад, или со дополнително плаќање 265/30 ZRF21 напред и 355/25 ZRF22 назад. Зад бандажите се наожаат карбон-керамички сопирачки, со 10-клипни клешти и дискови со дијаметар од 410 mm напред и четири-клипни со дискови со дијаметар од 390 mm назад.
Revuelto го чести возачот со дури 13 режими на возење: со хибридниот систем се воведени режимите Recharge, Hybrid и Performance. Секој може да се комбинира со четирите нивоа на погон: Città (град), Strada, Sport и Corsa. Сето ова се прилагодува преку два ротирачки прекинувачи на новодизајнираниот волан.
Режими на возење
Città: режим кога се активни само електричните мотори, а моќноста е ограничена на 180 КС. Сите системи се поставени за максимална удобност и ефикасност со намалена потисна сила. Овде помага повторно полнење кога батеријата е празна и нема станици за полнење во близина или на сцена стапува V12.
Strada: Овде, перформансите на системот се ограничени на 886 КС. Во исто време, V12 е секогаш активен. Предната е-оска поддржува векторирање на вртежниот момент, а активната аеродинамика работи заедно за да обезбеди стабилност при големи брзини, како на пример на автопат.
Sport: Во спортски режим, погонот ослободува максимални 907 КС. Се работи за задоволство при возењето и одзив на моторот и менувачот.
Corsa: овој режим треба да претставува максимум во однос на перформансите и звукот. Во комбинација со начинот на изведба, тука се постигнува системска моќност од 1015 КС. Во Corsa исто така е можно да се оневозможи електронската контрола на стабилноста и да се активира Launch Control.
Дизајн
Што се однесува до дизајнот, тој е еволуција на Aventador, како по стил, така и по димензии, а главниот дизајнер словенецот Митја Боркерт, се погрижил Revuelto да има доза на елеганција, без да биде премногу агресивен.
Но, „дивата страна“ на Revuelto е дефинитивно задниот дел со екстремен дифузор, високо поставени издувни цевки и непречен поглед на целиот мотор.
Салон
Revuelto нуди подобро осмислен простор за двајца во кабината, а благодарение на новата шасија, просторот за нозете е зголемен за дарежливи 84 mm.
Со тоа се создава значително повеќе простор зад седиштата, во кој, според производителот, може да се смести и торба за голф. Под предниот капак има место за два помали куфери. Има и нови простори за складирање помеѓу седиштата и во долниот дел на контролната табла, како и држач за чаши на совозачката страна. Покрај тоа, новиот дизајн на покривот обезбедува 26 mm повеќе простор за главата.
Што се однесува до инфозабавата, Revuelto се потпира на 12,3-инчен инструмент дисплеј, вертикално поставен централен инфозабавен екран од 8,4 инчи и нов екран од 9,1 инчи пред сопатникот.
ФОТО ГАЛЕРИЈА
Unknown error.