Зошто кралицата на Англија никогаш не става сигурносен ремен во автомобил?
Елизабета Втора е принудена да почитува уште неколку забрани
Британската кралица Елизабета Втора повторно се најде во центарот на вниманието на медиумите по скандалот со интервјуто со нејзиниот внук Хари и неговата сопруга Меган Маркл. Во овој случај, сепак, станува збор за автомобилите и нејзиниот однос кон нив, а не за проблемите во кралскиот двор.
И покрај годините, кралицата сеуште сака да вози, и, сосема природно, претпочита модели на две марки – британските Land Rover и Jaguar. Таа не посетувала часови за возење и следствено нема возачка дозвола, но не и ни треба.
Елизабета Втора научила да вози за време на Втората светска војна кога служела во Женскиот помошен корпус. До неодамна, таа често можела да се види зад воланот на нејзиниот Range Rover кога отседнувала во својот замок во Шкотска или кога се враќала во нејзината вила во Виндзор по неделна миса.
Секако, кога станува збор за официјален настан, Елизабета Втора ја вози возач, но никогаш не носи сигурносен ремен. Во овој случај, не станува збор за кршење на правилата, туку забрана заради безбедносни причини. Во случај на опасност, таа мора да биде подготвена да го напушти автомобилот што е можно побрзо, а безбедносниот ремен би ја успорил.
Истото правило важи не само за неа, туку и за другите членови на кралското семејство, како и за чуварите. Кралицата се придржува и на некои други забрани – не може да гласа на избори, да потпишува автограми и да се ракува.