Листа на категории

Клима уредот е вообичаена ставка во скоро сите автомобили во денешно време, но има многу постари автомобили на патиштата кои немаат клима.

Со температурите кои се приближуваат до 40°C во Велика Британија, дури и спуштениот прозорец веројатно нема да биде од голема корист во обидот да се изладат возачите. Властите во Велика Британија ги потсетуваат возачите на Правилото 237 од Законот за сообраќај, кое вели дека возилото мора да биде добро климатизирано и проветрено за да се избегне поспаност при возење.

Апелираат возачите да запомнат дека возењето при многу високи температури многу го отежнува управувањето со возило и може да предизвика сообраќајна незгода, па за непочитување на правилата за климатизација им се заканува казна и до 5.000 фунти.

„Иако многу луѓе не се свесни за овие сообраќајни правила, важно е да се знаат законите, не само за да се избегне парична казна, туку и сите да бидат безбедни додека возат“, велат од Zuto car finance, пренесено од The Sun.

Велика Британија ова лето за прв пат забележа температури над 40 степени Целзиусови. Живата во еден момент на аеродромот Хитроу покажала 40,2 степени Целзиусови, соопшти метеоролошката агенција на земјата. Аеродром во Лондон беше принуден да ги прекине летовите откако дел од пистата едноставно се стопи.

Стотици полетувања на возови беа откажани, а луѓето предупредени да избегнуваат јавен превоз, да останат хидрирани и да се разладат колку што е можно повеќе.

Сепак, екстремните температури се особено шокантни за Велика Британија, каде ниту луѓето, ниту инфраструктурата не се подготвени за такви горештини. Се смета дека само околу пет проценти од британските домови имаат климатизација.

Научниците велат дека топлотните бранови станале почести, поинтензивни и подолготрајни, што е особено видливо ова лето.

Со „големиот пораст на пожарите низ главниот град“, градоначалникот на Лондон Садик Кан побара од жителите и посетителите да бидат повнимателни со скарите, цигарите и другото ѓубре додека пожарникарите се борат со пожарите.