Услуга на ниво: Hilton хотел со пет ѕвезди за автомобили подобар од многу хотели за луѓе
Иако ова не е хотел на кој сигурно помислувате кога ќе го слушнете името Hilton, тој ќе го нуди истиот луксуз за автомобили како вистинскиот Hilton за луѓе
Hilton Car Storage ќе прифаќа луксузни и спортски автомобили од сите возрасти. Станува збор за објект со пет ѕвездички за складирање возила, но и многу повеќе.
Иако ова не е хотел на кој сигурно помислувате кога ќе го слушнете името Hilton, тој ќе го нуди истиот луксуз за автомобили како вистинскиот Hilton за луѓе. Објектот од 7.000 квадратни метри се наоѓа на парцела од 9.300 квадратни метри во Бишопс Стортфорд, Хертфордшир, Велика Британија.
Hilton Car Storagе нуди луксузни удобности за автомобили. Штом возилото ќе пристигне, ќе добие бесплатна услуга од собар/ка, а клиентите можат да изберат план кој вклучува одржување на возилото приспособено на неговите специфични потреби, без разлика дали тоа значи периодични проверки на состојбата или целосна услуга.
Трикатната зграда е опремена со најсовремени безбедносни системи како постојан надзор со видео камери, контролирана температура и влажност, со цел совршено да се зачува состојбата на секое возило во внатрешноста. Групацијата Hilton е дел од групата Hilton & Moss Restorations, која нуди услуга за целосна реставрација на возила, како и подготовка на тркачки автомобили и МОТ сертификација.
Ова им овозможува на клиентите професионално да го реставрираат возилото како дел од услугата, од реставрација и поправка на каросеријата до фини детали и керамички премази. Дополнително, Hilton групата може на своите клиенти да им ги доставува возилата на која било одредена локација, вклучително и тркачки патеки. Консиерж сервисот може да го подготви возилото за сè што сака клиентот, каде и да посака.
Цените на овие услуги остануваат непознати, но сигурно станува збор за големи суми.
