Студија ги потврдува зборовите на Грета Тунберг: Мажите со спортски автомобили се обидуваат нешто да надоместат
Психолозите регрутирале 200 мажи кои зборуваат англиски на возраст помеѓу 18 и 74 години за да пополнат онлајн тест…
Според се, изгледа дека Грета Тунберг била во право за Ендрју Тејт – мажите со спортски автомобили не се баш сигурни за големината на нивниот пенис.
Според истражувањето на Универзитетскиот колеџ во Лондон (UCL), постои корелација помеѓу поседувањето моќен автомобил и верувањето дека нечии гениталии се помали од просекот. Минатиот месец, Ендрју Тејт, личност која предизвикува поделби на социјалните мрежи и многумина ја нарекуваат „женомрзец“, твитна на сметка на Грета Тунберг фалејќи се со своите „33 автомобили со огромни емисии“.
Активистката за клима одговори барајќи од него дополнително да ја „просветли“ со испраќање е-пошта на „smalld**[email protected]“. Терминот „small d**k energy“ имплицира дека мажот покажува ниво на шуплива самодоверба за да ја компензира несигурноста за големината на неговиот пенис. Ова може да се манифестира како фалење со имот, финансии или физичка моќ, па затоа Грета смета дека нејзиниот одговор е соодветен за Ендрју Тејт.
Сега, нова студија имала за цел да види дали навистина постои врска помеѓу поседувањето спортски автомобил и перципирањето за големината на пенисот.
Психолозите регрутирале 200 мажи кои зборуваат англиски на возраст меѓу 18 и 74 години за да завршат онлајн тест. На учесниците прво им била покажана изјава во траење од седум секунди, пред овој екран да биде заменет со слика на производ. Потоа морале да поместат лизгач за да покажат колку сакаат да го купат производот, кој може да биде или секојдневен или луксузен предмет.
На крајот, на екранот ќе се појавила друга изјава, а учесниците требало да кажат дали е иста или различна од онаа прикажана на првиот екран. Една од изјавите лажно ја пренела просечната големина на пенисот во ерекција на другите мажи – на некои учесници им било кажано дека е 18 см, додека на други им било кажано дека е 10 см.
Вистинскиот просек е всушност 13 см, но на оние на кои им било кажано дека таа вредност е пониска биле натерани да се чувствуваат „релативно подобро“ додека ја извршуваат задачата. На учесниците секогаш им се прикажувала слика од спортски автомобил помеѓу нивните две изјави за големина на пенисот и морале да ја покажат својата желба да го купат.