Списокот на оние кои го прескокнуваат Париз мотор шоу се поголем
Уште три големи автомобилски бренда го откажаа учеството на овогодинешното издание на саемот во Париз
Производителите на автомобили се повеќе се одлучуваат да не учествуваат на големите светски автомобилски саеми. Женева, Париз, Франкфурт, Детроит… до неодамна беа места каде што автомобилските компании едноставно мораа да бидат присутни, иако во тој момент можеби и немаа што ново да понудат.
Сепак, во ерата на интернетот, а особено последните неколку години, големите светски автомобилски почнаа да ја губат важноста што некогаш ја имале, особено во маркетиншка смисла.
Откако пред неколку дена Lamborghini објави дека нема да изложува во Париз, веб-страницата на изданието Auto Plus France објави дека го главниот град на Франција оваа година нема да се појават ниту Alfa Romeo, Fiat и Jeep.
Така, од брендовите на групата FCA, на саемот во Париз, присутни ќе бидат само Maserati и Ferrari.
Досега, покрај наведените, своето отсуство од овој саемски настан веќе го најавија Ford, Infiniti, Mazda, Mitsubishi, Nissan, Opel, Subaru и Volvo.
Од друга страна, во Париз сигурно ќе изложуваат Citroën, Hyundai, Jaguar, Kia, Land Rover, Lexus, Mercedes-Benz, Peugeot, Smart, Suzuki и Toyota.
Саемот во Париз оваа година започнува на 2 октомври и ќе трае до 14-ти октомври.