Се воведува драстична казна: 3.000 евра за користење мобилен телефон додека возите
Британските власти на 25 март донесоа одлука за нулта толеранција за користење на мобилни телефони при возење
Причината е едноставна – досегашниот закон е донесен пред 17 години, пред да се појават модерните паметни телефони, па во предвид биле земени функциите од тоа време, кои биле многу помалку сложени од денешните.
Во случај да биде фатен во прекршок, возачот би можел да биде казнет со парична казна до 2.500 фунти (околу 2.900 евра), како и целосна забрана за возење.
Во минатото телефонот се користел за разговори, а очигледно сè уште ја има таа функција. Меѓутоа сега тој е и одличен мултимедијален центар, а забавата е на прво место. Возењето автомобил во голем град обично не изгледа интелектуално напорно затоа што најчесто стоите во него, што го прави паметниот телефон примамлив.
Наскоро нема да може да се управува со плеерите, да се фотографира или да играат (игри) додека сте во автомобил. Не е важно дали возите или се движите бавно во гужва, казната е за чепкање по екранот на паметниот телефон.
Веќе не е возможно да се јавувате и да испраќате пораки освен во итни случаи. Телефонот може да се користи кога е прикачен на држачот и може да се ракува без употреба на раце. Промената во законот е да се појасни дека телефонот не смее да се допира ниту кога автомобилот стои во сообраќање застој.
Спроведено е истражување кое покажало дека 81 процент од испитаниците поддржуваат целосна забрана за користење на телефонот во автомобил.
Како е кај нас?
Возачот на моторно возило, за време на управувањето со возилото не смее да користи мобилен телефон, ниту други уреди на начин кој би ја намалил можноста за реагирање и сигурно управување со моторното возило. По исклучок, мобилен телефон и други уреди можат да се користат за време на управување со моторно возило, ако притоа се употребува направа која овозможува нивно користење без употреба на раце. Во спротивно предвидена е глоба во износ од 45 евра во денарска противвредност , односно ќе му се регистрираат 25 негативни бода.