Листа на категории

За да се стави акцент на судирите при поголеми брзини, кои резултираат со смртни случаи, Американскиот институт за безбедност на патиштата (IIHS) воведе построги тестови за страничен удар

Сепак, првата гарнитура на компактни теренци/кросовери кои се тестирани го завршиле испитот со разочарувачки резултати, при што само еден модел добил „добра“ оцена од дури 20 кандидати. Според IIHS, ова не е изненадувачки.

„Очигледно резултатите не се одлични, но тие се во согласност со она што го очекувавме кога го усвоивме построгиот тест“, вели вишиот истражувачки инженер на IIHS, Беки Милер. Истражувањето создаде основа за нов тест протокол со цел да се постигне повисок степен на безбедност.

Од тестираните модели, само Mazda CX-5 има „добра“ оцена. Девет возила добиле „прифатлива“ оцена: Audi Q3, Buick Encore, Chevrolet Trax, Honda CR-V, Nissan Rogue (X-Trail), Subaru Forester, Toyota RAV4, Toyota Venza и Volvo XC40. Осум модели поминале со „маргинална“ оцена: Chevrolet Equinox, Ford Escape, GMC Terrain, Hyundai Tucson, Jeep Compass, Jeep Renegade, Kia Sportage и Lincoln Corsair, додека Honda HR-V и Mitsubishi Eclipse Cross се оценети како „лоши“, кога станува збор за заштита од страничен удар.

Сите тестирани возила се од моделната 2021 година, освен Mitsubishi, кој ја заобиколи 2021 година, така што тестираниот модел е од 2020 година. IIHS вели дека сите оценки ќе бидат префрлени на моделната 2022 година, освен за Compass и Tucson.

Ажурирањата на план на построгиот тест за страничен удар вклучуваат потешка бариера, која се движи со поголема брзина, за подобро симулирање на возилото што удрило. Преградата сега тежи 1.896 килограми, што е приближно колку еден модерен теренец со средна големина. Удира во возилото за тестирање со брзина од 60 km/h.

Треба да се напомене дека во оригиналниот страничен „краш“ тест, кој беше воведен во 2003 година, бариерата тежеше 1.497 килограми, а во возилата за тестирање удира со брзина од 50 km/h.

• crash test
• IIHS
• Mazda
• Mazda CX-5
• страничен судир