Листа на категории

Сè повеќе автомобилски модели се претвораат во компјутери на тркала, а новата и скапа технологија не доаѓа без компромиси

Големата студија на Германскиот автомобилски клуб (ADAC) во овој случај не се занимавала со дефектите и нивната зачестеност, туку со завршната обработка и квалитетот на материјалите. Сè повеќе автомобилски модели се претвораат во компјутери на тркала, а новата и скапа технологија не доаѓа без компромиси – производителите мора да штедат на друго место, често во материјалите и квалитетот на завршната обработка. Инженерите за тестирање на ADAC за потребите на студијата тестирале 580 различни модели на возила и ги рангирале најдобрите и најлошите автомобили во четири различни класи. 

Мали и микро автомобили

Лим наместо ткаенина во внатрешноста, кровна облога со евтин изглед: инженерите на ADAC забележале притисок на цената кај евтините мали автомобили како на пример Toyota Aygo. Значително поскапите модели, како што се BMW i3 и Honda e, оставаат значително поквалитетен впечаток.

Ниска средна класа

ADAC утврдил дека полоши се моделите развиени за американскиот пазар. Победници повторно се автомобили од европските премиум марки (и Mazda).

Средна класа

Слични брендови доминираат во рангирањето во средната класа. Меѓу губитниците се издвојуваат доверливи производители како Honda или Toyota. Добро познатиот флуктуирачки квалитет на обработка е фатален за Tesla Model 3. Тестерите биле разочарани и од новата C-класа на Mercedes, чиј квалитет на материјалот (оцена 2,8) бил понизок од оној на неговиот претходник (1,25). Она што е добро во C-класата е добрата завршна обработка.

Висока класа

Инженерите на ADAC истакнуваат дека високата цена не е нужно гаранција за висок квалитет. Toyota и во оваа класа повторно има изненадувачки слаби перформанси. Mercedes, пак, овде блеска подеднакво со Porsche и BMW.

• ADAC
• завршна обработка
• истражување
• квалитет
• материјал
• рејтинг
• студија