Работата во ноќна смена ја зголемува веројатноста за сообраќајна несреќа за три пати!
Главно ограничување е недостатокот на формална дефиниција за поспаност
Нарушено спиење е нешто што го има скоро секој што работи во повеќе смени на својата работа, вклучително и ноќна работа. Една нова студија од Универзитетот во Мисури дошла до заклучок дека работата во ноќна смена ја зголемува веројатноста за сообраќајна несреќа за дури три пати.
„Луѓето кои имаат нетрадиционално работно време, како што е од 23 часот до 7 часот наутро, имаат поголем ризик од развој на овие хронични состојби што влијаат на нивниот сон, што може да има големи импликации врз нивните животи и животот на другите“.
Постојат и други нарушувања на спиењето, како што се апнеја и несоница, кои исто така го зголемуваат ризикот од сообраќајна несреќа за 29, односно 33 проценти. Коавторот на истражувањето Правен Едара додава дека „ова откритие има импликација, а тоа е одредување како да се реши проблемот“. Ноќната смена е потребна, а единственото нешто што на Едари ми паѓа на ум е „поголема достапност на места за одмор на автопат или префрлување на други начини на транспорт, како што се јавен превоз или услуги како што е „споделено возење“.
Променливата гласи: возачите кои имаат нарушувања со спиењето, најверојатно, ќе бидат помалку внимателни при возење отколку оние кои немаат.
„Веќе некое време знаеме дека нарушувањата со спиењето го зголемуваат ризикот од судири, но тука можеме да го квантифицираме тој ризик користејќи податоци за вистински несреќи, земајќи ги предвид збунувачките варијабли како што се патиштата и сообраќајните карактеристики”.
Овие наоди се засноваат на друга студија спроведена од Стратешката програмата за истражувања на автопат на американскиот Конгрес (SHRP). Главно ограничување е недостатокот на формална дефиниција за поспаност. Во иднина, истражувачите зборуваат за соработка со професионалци од јавното здравство специјализирани за истражување на спиењето.
„Ова ќе ни овозможи да истражиме какви противмерки можеме да развиеме и да тестираме за да ја подобриме целокупната безбедност на овие возачи и возачите околу нив“, вели Едара.
Според Националната управа за безбедност на сообраќајот на патиштата, поспаното возење предизвикала 697 смртни случаи во 2019 година. Покрај тоа, овие несреќи најчесто се случуваат помеѓу 24 и 6 часа, „кога на луѓето им опаѓа ритамот на нивниот телесен часовник“. Иако суштинските упатства сè уште недостасуваат во однос на тоа како да се справите со проблемот, може да се каже со сигурност дека тој постои.
Но, треба да се напомене дека 1.500 организации работат на решението, вклучувајќи го и Советот за национална безбедност на САД. Во јануари, овие организации напишаа заедничко писмо во кое бараат претседателот Бајден и министерот за транспорт Бутиги „да се обврзат на нула смртни случаи до 2050 година за кои главна причина е уморот“.