Протест во Bosch: Ќе бидат укинати повеќе од 1.000 работни места поради преодот на електрични возила
Околу 3.000 работници од најголемиот европски производител на автомобили започнаа протести против планот на Bosch
Се чини дека вработените во Volkswagen не се единствените германски работници загрижени за електрификацијата на автомобилската индустрија. Со штрајк во Германија се соочи и Bosch, откако работниците се соочени со можно губење на работните места.
Според синдикатот IG Metall, околу 3.000 работници на најголемиот европски производител на автомобилски делови започнале протест поради планот на Bosch во местото Буел. Подоцна им се придружиле работници од погоните на компанијата во Минхен и Арнштат.
Сите три погони се соочуваат со можноста за губење на работните места. Во Буел, од 2025 година, 1.000 работници ќе бидат технолошки вишок како резултат на преселување, кратења или нови вработувања. Фабриката во Арнштад, која произведува регулатори за генератори, дел што не им е потребен на електричните возила, вработува 100 работници, од кои сите би можеле да останат без работа. Во Минхен 250 работни места би можеле да бидат преместени во странство, иако конечната одлука се уште не е донесена.
Плановите се резултат на глобалното преминување кон производство на електрични возила, а Bosch наведува дека треба да се прилагодат на променливите побарувања. Говорејќи за Reuters, портпаролот на Bosch вели:
„Нашата цел е да осмислиме мерки во дијалог со општествените претставници со цел да ги исцрпиме сите можности за континуирано вработување, притоа укажувајќи на можностите за нови вработувања надвор од компанијата“.
Френк Сел, шеф на работничкиот совет за одделот за решенија за мобилност на Bosch, вели дека „Никој не негира дека структурните промени во Bosch бараат многу напор. Но, трансформацијата мора да биде фер и работниците да бидат во фокусот“.
Претходно оваа година, извршниот директор на Bosch, Волкмар Денер, жестоко ги критикуваше плановите на ЕУ за ефективно „уништување“ на моторот со внатрешно согорување. Тој уште тогаш го истакна ризикот дека напорите на Европската унија ќе ја игнорираат можноста за губење на работни места.