Продолжува кризата во автомобилската индустрија: Шефот на Bosch вели дека е невозможно да се реши недостигот на чипови оваа година!
Шефот на Bosch предупредува дека недостигот на чипови ќе продолжи и во 2023 година, иако компанијата инвестира милијарди во производството
Глобалната полупроводничка криза продолжува – претседателот и извршен директор на еден од најголемите добавувачи на автомобилски чипови, Bosch, се надева дека излезот од тунелот ќе биде видлив на крајот на 2023 година.
Претседателот и извршен директор на Bosch, Стефан Хартунг, велки дека е невозможно да се реши глобалниот недостиг на чипови оваа година. Bosch неодамна објави дека ќе инвестира три милијарди евра во својот оддел за производство на чипови до 2026 година. Иако ова нема нужно да помогне во ублажувањето на денешниот недостиг на полупроводници, на крајот треба да ги направи синџирите на снабдување поспособни да ги апсорбираат ударите.