Претседателот Стево Пендаровски се провози во Rimac Nevera / ВИДЕО
Претседателот на Македонија, Стево Пендаровски, на својот Facebook профил објави интересно видео од неговата официјална посета на Република Хрватска
„Имав чест по вечерата кај претседателот Милановиќ, со еден од гостите, #MateRimac, основачот на Rimac Automobili, да свртиме круг со најбрзиот супер спортски автомобил на електричен погон, моделот #Nevera. Му посакувам деловен успех со најновата аквизиција на еден од најпознатите светски брендови“, напиша Пендаровски.
Веруваме дека уживал во кругот со гордоста на Хрватска, па и на Балканот, сериската верзија на концептот C_Two, сега Nevera, име добиено по ненадејната и силна медитеранска бура.