Porsche Taycan доби и практична караван изведба / ФОТО+ВИДЕО
Покрај врвни перформанси, новиот модел донесува погон на сите тркала и прилагодлива воздушна суспензија, што обезбедува агилно возење и надвор од асфалтот
Taycan во седан изведба повеќе не е единствениот целосно електричен автомобил на Porsche, бидејќи штотуку дебитираше иновативниот Taycan Cross. Новиот универзален спортски автомобил потсетува на концептот Mission E прикажан на Саемот за автомобили во Женева 2018 година.
Овој автомобил обезбедува врвни перформанси, агилен погон на сите четири тркала, висока технологија и удобна адаптивна воздушна суспензија што обезбедува бескомпромисна динамика на возење надвор од асфалтот.
Како прво, Taycan Cross Turismo добил 20 mm повисоко растојание од земјата во споредба со стандардниот Taycan (со режим Gravel уште 10 mm), потоа продолжен покрив, различна задна врата, повеќе простор за задните патници (+47 mm за главите на патниците) ), како и поголем багажен простор (1.212 литри со преклопени задни седишта).
Taycan Cross Turismo има батериски пакет од 93,4 kWh и ќе биде достапен во четири верзии:
- Taycan 4 Cross Turismo со 280 kW / 380 КС или со overboost и Launch Control 350 kW / 476 КС, забрзување 0-100 km/h за 5,1 секунди, максимална брзина 220 km/h, автономија со едно полнење (според WLTP стандардoт) 389 – 456 km
- Taycan 4S Cross Turismo со 360 kW / 490 КС или со overboost и Launch Control 420 kW / 571 КС, забрзување 0-100 km/h за 4,1 секунди, максимална брзина 240 km/h, автономија со едно полнење (според WLTP стандардoт) 388 – 452 km
- Taycan Turbo Cross Turismo со 460 kW / 625 КС или со overboost и Launch Control 500 kW / 680 КС, забрзување 0-100 km/h за 3,3 секунди, максимална брзина 250 km/h, автономија со едно полнење (според WLTP стандардoт) 395 – 452 km
- Taycan Turbo S Cross Turismo со 460 kW / 625 КС или со overboost и Launch Control 560 kW / 761 КС, забрзување 0-100 km/h за 2,9 секунди, максимална брзина 250 km/h, автономија со едно полнење (според WLTP стандардoт) 388 – 419 km
Заедничко за сите модели е погонот на сите четири тркала, воздушна суспензија и опционален пакет за терен што го зголемува растојанието од земјата до 30 милиметри. Ова значи дека Cross Turismo ќе може да вози на макадам, дури и на тежок терен.
Покрај новите модели на Taycan Cross, Porsche престави и специјални додатоци во форма на задни носачи за велосипеди. Секако, електрични, бидејќи станува збор за моделите eBike Sport и eBike Cross.
ФОТО ГАЛЕРИЈА
[useyourdrive dir=”1uWODnvkbTzjODhqskShZ-nsORiOUlMD1″ maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Продажбата на новите модели започнува на лето, а очекуваната почетна цена во Германија е 93.635 евра.
https://youtu.be/XCobPwoNCfk