Помош производителите на автомобили: Европската унија инвестира 45 милијарди евра во производство на чипови!
Целта на законот е да ја направи Европа лидер на овој пазар и да ја намали зависноста од другите производители на полупроводници
Големата криза со снабдување со чипови ја погоди една од најважните индустрии во Европа, автомобилската индустрија. Додека некои конкуренти, како што се јужнокорејските Hyundai и Kia, се покажаа добро поради посебните врски со производителите на полупроводници, европската автомобилска индустрија страда како дете чии родители му ja одзеле од рацете омилена бонбона. Гладот на пазарот е огромен, но чипови нема.
Затоа Европската комисија предлага т.н Европски закон за чипови и најавува инвестиција од дури 45 милијарди евра во нивното производство. Европа стана мрзелива и остави многу стратешки индустрии на други, а сега, очекувано, плаќа висока цена.
Целта на законот е Европа да стане лидер на овој пазар, со зголемување на производството на полупроводници, со цел да се удвои уделот на светскиот пазар до 2030 година, од сегашните 9% на подарежливи 20%.
Од тие 45 милијарди евра, 15 милијарди одат за јавни и приватни фондови, а 30 милијарди за веќе планираните програми како што се Next Generation EU, Horizon Europe и разни национални буџети