По стапките на татко си: Мик Шумахер е шампион во Formula 2!
Мик Шумахер во Formula 1 доаѓа како шампион, бидејќи ја освои титулата во Formula 2 по драматичната последна трка во Бахреин
Младиот Мик ја заврши трката за Големата награда на Сахир на 18-та позиција, бидејќи направи грешка во рана фаза, па мораше да ги смени гумите. За прв пат, по 15 последователни трки, Германецот не освои ниту еден бод.
Сепак, неговиот ривал во борбата за титулата, Британецот Калум Ајлот, мина низ целта дури како 10-ти. Шумахер ја заврши сезоната со 14 поени повеќе од неговиот најблизок конкурент.
Синот на легендарниот Михаел Шумахер следната сезона ќе вози во Formula 1 за тимот на Haas.
Победник на последната трка во сезоната во Formula 2 беше Џехан Дарувала, а на подиумот се најдоа и Јуки Кунода и Ден Тиктум.