Пад на цената на нафтата: За најновиот тренд одговорот лежи во Кина!
Цената на барел американска нафта вчера падна на околу 94 долари
Цените на нафтата вчера дополнително паднаа и речиси стигнаа до нивото од пред руската инвазија на Украина. Ова е главно затоа што бројот на заразени со коронавирус во Кина продолжува да расте, а најнаселената земја во светот има навика веднаш да ги затвора градовите и да ги суспендира сите активности. Кина е најголемиот увозник на нафта во светот. Во моментов, најголем извор на инфекција е Шангај, а затворањето веќе предизвика проблеми во градското пристаниште.
По руската инвазија на Украина, цените на нафтата нагло пораснаа, како и цените на горивата, што ја поттикна инфлацијата. Кон крајот на минатата недела, земјите-членки на Меѓународната агенција за енергетика (IEA) објавија дека ќе пуштат рекордни количества стратешки нафтени резерви на пазарот во следните шест месеци. Се работи за вкупно 240 милиони барели. САД и другите земји-членки како Јапонија, Германија и Холандија сакаат на овој начин да ја намалат цената на нафтата.
Цената на барел американска нафта вчера падна на околу 94 долари. Највисоката цена постигната на 23 февруари, ден пред руската инвазија на Украина, изнесуваше 93,90 долари. Брент нафтата, референтна вредност за нафта од Блискиот Исток, Европа и Африка, падна на 98,69 долари.
Не треба да се заборави и фактот дека со големи попусти (пониска цена до 30 долари за барел) Индија купува големи количества руска нафта, која исто така е на пазарот.