Овој е-велосипед има поголем домет од некои автомобили / ВИДЕО
Fuells нуди е-велосипеди кои се карактеризираат со голема моќност, но и огромен опсег со едно полнење на батеријата
Во понудата се два нови производи, Flluid-2 и Flluid-3, а компанијата ги промовира како „чекор напред во правењето на е-велосипедот вистинска замена за автомобилот”. Велосипедите имаат алуминиумска конструкција со многу чисти и едноставни линии, но во суштина тоа е класичен велосипед со вообичаена опрема како што се браници, LED осветлување итн. Исто така, стандардната опрема вклучува екран кој јасно укажува на електричниот погон.
Тука е и една основна разлика. Flluid-2 се рекламира како погон со ултра долг дострел. Имено, овој велосипед има две батерии со вкупен капацитет од 2 kWh. Затоа, не треба да чуди што досегот е навистина екстремен и изнесува цели 350 километри. Flluid-3 има двојно поголема големина од батеријата, па оттука и скратениот досег, но сеуште повеќе од импресивен или 180 km.
Двата велосипеди имаат идентични погони. Ги придвижува електричен мотор Valeo со максимални 1 КС и дури 130 Nm, а доаѓа во комбинација со интелигентен менувач кој ги препознава потребите на велосипедистите и со брз одзив се прилагодува на условите за возење.
Овие велосипеди поддржуваат и режим на работа кога велосипедистот не мора да ги врти педалите. Максималната брзина е дури 32 km/h, но во Европа овие опции нема да се нудат поради законските рамки. Посебните карактеристики вклучуваат хидраулични диск сопирачки и ременски погон. Исто така, велосипедот има GPS локатор и може да се заклучи.
Е сега за цената. Навистина, овие велосипеди би можеле да бидат многу добра замена за класичниот автомобил, но за жал тоа го прават и според цената. Токму затоа се претставени како премиум урбани возила. Flluid-3 чини 5.495 долари, додека цените на Flluid-2 со поголема батерија започнуваат од 5.995 долари.
