Оваа колекција на автомобили вреди повеќе од 40 милиони евра / ВИДЕО
За оние на кои парите не им се проблем, а бараат автомобилска егзотика, оваа адреса е место каде што сигурно ќе најдат задоволство
Станува збор за Hollmann International, германски дилер на егзотични и суперскапи автомобили. Иако понудата постојано се менува, на листата секогаш се наоѓаат голем број на исклучително атрактивни автомобили. Сегашната постава вреди над 40 милиони евра, а со неа нè запознава YouTube каналот на групата Novitec.
Главниот збор го има Mercedes. Покрај Maybach S-Class и GLS, може да се најдат и SLS AMG и легендарниот SLR McLaren 722. На списокот се и одамна распродадени автомобили како Ferrari SP90, Bugatti Divo, Lamborghini Aventador SVJ, па дури и супер ретките Mercedes G650 Landaulet и G63 6×6.
За љубителите на класиката има Ferrari F40 LM, Mercedes 230 SL. Доколку ве интересираат цените, појдете на официјална веб-страница.