Ова се најпродаваните модели во ЕУ за 2018 година
Листата е според податоците на Јato Dynamics
Австрија – Volkswagen Golf
Овде и нема некое големо изненадување. Австријците досега купиле вкупно 4.281 единици од овој модел, а меѓу најпопуларните три се само модели на VW – следи Polo sa 3.394 и Tiguan sa 3.066 единици.
Белгија – Volkswagen Golf
Сепак Golf е најпопуларниот автомобил во Европа. Досегашната бројка на купени Golf единици е 5.426, по што следат Renault Clio (4.868) и Hyundai Tucson (4.007).
Хрватска – Škoda Octavia
Во 2016 година бестселери во Хрватста беа Toyota Yaris и Nissan Qashqai, за сега лидер да биде Škoda Octavia со 1.253 примероци.
Чешка – Škoda Octavia
Сосема логично. Octavia води со 9.520 продадени единици, пред Fabia со 7.430 и Rapid со 5.210 примероци.
Данска – Peugeot 208
Единствената држава во Европа каде лидерската позиција ја има Peugeot е Данска. Данците до сега купиле 3.915 примероци од моделот 208, а потоа следат Nissan Qashqai со 3095 продадени примероци и Volkswagen Golf со 2.245 примероци.
Естонија – Škoda Octavia
Естонците во 2018 година купиле 361 примерок од моделот Octavia, што е доволно за лидерската позиција во оваа земја.
Финска – Škoda Octavia
Источниот дел од Европа е регионот во кој Škoda суверено владее. Octavia купиле 2.105 купувачи, а зад неа следат Nissan Qashqai со 1.890 и Toyota Yaris со 1.715 продадени возила.
Франција – Renault Clio
Во оваа држава бројките на нови возила се навистина големи. Во Франција од моделот Renault Clio се продадени 42.374 примероци, следен од Peugeot 208 (37.241) и Peugeot 3008 (30.005).
Германија – Volkswagen Golf
Никакво изненадување, сепак Германците ги фаворизираат домашни марки. Всушност Golf има толку добра продажба што вториот на листата нема ни половина од продажбата на хеџбекот. Германците во 2018 година купиле 65.327 единици од Golf. На втората позиција е Passat со 24.370 продадени возила, додека на третото е изненадувачки Ford Focus со 23.383 продадени автомобили.
Грција – Toyota Yaris
Грците во 2018 година купиле 2.267 единици од Toyotа Yaris, 1.791 од Peugeot 208, 1.456 од Nissan Micra.
Унгарија – Suzuki Vitara
Унгарците исто така купуваат „домашен“ производ или она што се произведува во нивната земја. Suzuki Vitara е продадена во 4.300 примероци. Следат Škoda Octavia (2.246) и Opel Astra (1.683).
Ирска – Nissan Qashqai
Ирците досега најмногу купувале Nissan Qashqai (2.968 примероци), a потоа следат Hyundai Tucson (2.822) и Volkswagen Golf (2.521).
Италија – Fiat Panda
На Апенинскиот полуостров доминира Fiat кој ги држи водечките три позиции. Најпопуларниот модел е Panda со 43.486 продадени возила, по кој следат Fiat 500 со 21.503 и и 500X со 21.307 примероци.
Летонија – Volkswagen Golf
Во оваа балтичка држава води Golf со 309 продадени примероци, пред Nissan Qashqai и Toyota RAV4.
Литванија – Fiat 500
Уште една земја во која лидерката позиција е за италијанската марка. Литванците во 2018 година купиле 891 примероци од 500-та по што следат Fiat 500X со 629 и Škoda Octavia со 382 примероци.
Луксембург – Volkswagen Golf
Golf води до 898 примероци, пред Audi А3 со 385 и Renault Clio со 363 продадени возила.
Холандија – VW Polo
Во земјата на лалињата води VW Polo со 5.643 продадени примероци пред Ford Fiesta (4,448) и Renault Clio (4.192).
Норвешка – Nissan Leaf
Иако Норвешка не е во ЕУ, сепак е на листата. Сепак, интересно е тоа што на листата води Nissan Leaf со 3.995 продадени возила, пред VW Golf (2.986) и електричниот BMW i3 (2.043).
Полска – Škoda Octavia
Уште една лидерска позиција за Škoda. Води Octavia со 7.267 продадени автомобили, пред Fabia (7.106) и Toyota Yaris (5.735).
Португалија – Renault Clio
Португалците најмногу купувале Clio – 5.172, а потоа Nissan Qashqai и Peugeot 208 – продажбата засега е идентична (2.577 примероци).
Романија – Dacia Logan
Сосема очекувано. Logan има 5.220 нови сопственици, по кој следат Duster со 2.339 продадени примероци и Škoda Octavia со 1.201 примероци.
Словачка – Škoda Fabia
За моделот Fabia во 2018 година се одлучиле 1.909 купувачи, за Octaviа 1.778, додека на третото место е Rapid со 1.160 продадени примероци.
Словенија – Renault Clio
Словенците најмногу купувале Clio (1.582), а потоа Golf (1.101) и Polo (986).
Шпанија – Seat Ibiza
И во оваа земја редоследот е сосема логичен. На прво место е Ibiza со 13.704 продадени возила, пред Leon со 12.308 и Nissan Qashqai со 10.673 возила.
Шведска – Volvo S90
Volvo S90 во 2018 година има 11.041 нови сопственици, пред XC60 со 5.461 и VW Golf со 5.432 купувачи.
Швајцарија – Škoda Octavia
Уште една земја која не е членка на ЕУ, но сепак е на оваа листа. Изненадувачки имајќи го предвид високиот стандард на живеење, во 2018 година на листата на најпродавани автомобили е Škoda Octavia со 2.752 примероци, пред VW Golf (2.299) и VW Tiguan (1.650).
Велика Британија – Ford Fiesta
Навистина треба да се случи чудо па Ford Fiesta да биде симната од тронот. Fiesta во 2018 година веќе има бројка од 40.619 купувачи, по што следат VW Golf со 26.685 и Nissan Qashqai со 21.171 продадени примероци.