Откриен магацин полн со класици: Некој зад себе оставил една од најинтересните колекции на автомобили! / ВИДЕО
Многу возила се прилично запоставени, а колекцијата вклучува и некои култни автомобили
Во Англија е откриена голема колекција на класични автомобили. Видеото на британскиот YouTuber The Bearded Explorer покажува десетици Porsche, Rolls-Royce, Bentley и Jaguar модели наредени во големи шупи. Распаднатата зграда во која се наоѓа колекцијата е обрасната со дрвја и плевел, а многу автомобили се покриени со слој од алги и мов. Многу од автомобилите паркирани пред имотот се покриени со дрвја и грмушки.
Многу возила се прилично запоставени, а колекцијата вклучува и некои култни автомобили, како што се Porsche 911, Ford Sierra XR 4 × 4, Metro GT-A, Fiat Coupé со значката на Abarth, Lotus Esprit и Jensen Interceptor. Не се знае точно каде се наоѓа оваа штала, но големи се шансите да се работи за збирка на богат колекционер без потомство. Во секој случај, многу од овие примероци сега сигурно ќе завршат на аукција, а некои за жал ќе бидат уништени.