Огромна тага поради шокантната смрт на возачот Кен Блок: Замина „Идолот на генерацијата“
Професионалниот рели возач и интернет сензација Кен Блок загина во тешка несреќа со моторни санки во Јута
Тажна вест доаѓа од САД. Кен Блок загина во тешка несреќа со моторни санки. Веста за ненадејната смрт на 55-годишникот ја сподели неговиот тим Hoonigan Racing.
„Со најголемо жалење потврдуваме дека Кен Блок почина по несреќа со моторни санки. Кен беше визионер, пионер и икона, и што е најважно, татко и сопруг. Ќе ни недостасува многу“, се вели во соопштението од Hoonigan Racing.
55-годишникот беше најпознат како возач на рели автомобили, со повеќедецениска професионална кариера, тркајќи се секоја сезона помеѓу 2005 и 2015 година. Како што напиша еден од неговите обожаватели на Twitter, „Кен Блок беше единствениот човек кој ги испразни улиците на Лос Анџелес само за да може да дрифта со својот Mustang“.
Ken Block was the only man on the planet that can shut down LA just to drift a mustang RIP goat pic.twitter.com/2Qb2HeQicp
— Lüh Hawk (@YungTHawk) January 3, 2023
Тој, исто така, се натпреваруваше во голем број други акциони спортови, вклучувајќи скејтборд, сноуборд и мотокрос. Покрај трките, во 1994 година, заедно со американскиот претприемач Дејмон Веј, го лансираше модниот бренд DC Shoes, а учествуваше и како ко-основач на Hoonigan industries, коj произведува облека за автомобилски ентузијасти.
Во март 2004 година, Quicksilver го купи DC Shoes за 87 милиони долари, а интернет вредноста на Кен Блок се проценува на 100 милиони долари. Поранешниот Formula 1 возач и светски шампион од 2009 година, Британецот Џенсон Батон, меѓу првите се прости од легендарниот Блок, кој на својот профил напиша:
„Таков талент кој направи многу за нашиот спорт. Тој беше вистински визионер со својот уникатен стил и заразна насмевка. Нашиот спорт загуби еден од најдобрите денес, но уште поважно голем човек“.
In shock at the passing of Ken Block.
Such a talent that did so much for our sport. He was a true visionary with his own unique style & infectious smile.
Our sport lost one of the best today but more importantly a great man.
Sending love & hugs to the Block family 💙 #ripKen. pic.twitter.com/6HNhfSfc3R
— Jenson Button (@JensonButton) January 3, 2023
„Идол на цела генерација!“ напиша MotoGP тркачот, Шпанецот Алекс Ринс, a се огласи и Конор Дејли, возач на автомобилски трки, кој додава:
„Кен беше мојот херој. Колку пати сум чекал на ред да се сликам со него, многу тажно…“
I can’t believe this 😭 Ken was my hero. The reason a Subaru was my first car. I waited in line many times just to have a chance to interact and get a picture with him. One of the coolest dudes of all time. So sad, RIP KB43 🙏 https://t.co/J2eZsQMkvy
— Conor Daly (@ConorDaly22) January 3, 2023
Тој беше гостин и во култното британско автомобилско шоу Top Gear.
Don’t recall this piece Ken block did for Top Gear. 10 minutes of tyre squealing goodness.pic.twitter.com/2JqHjSEOFj
— Tiny Cyborg (@6QuidCyborg) January 3, 2023
На YouTube, Блок објавуваше видеа од неговите акробации со автомобил преку серија од 10 епизоди наречена Gymkhana.