Неверојатни патеки на клучниот ресурс: Дали сега Кина продава и извезува гас во Европа?!
Вкупната количина на кинески LNG (Liquefied Natural Gas) која е препродадена е веројатно повеќе од 4 милиони тони
За европската драма со природниот гас веќе толку многу се пишува што е речиси невозможно да се каже нешто ново, но не и за Financial Times кој успеал да дојде до интересни информации. Речиси е неверојатно дека најголемиот увозник на природен гас во светот, Кина, се чини дека го продава истиот на Европа. Се разбира, тоа е руски гас. Најголемиот светски купувач на течен природен гас препродава дел од својот вишок поради слабата домашна побарувачка.
Кинеската групација JOVO, голем трговец со LNG, неодамна откри дека препродала товар на LNG на европски купувач. Трговец со термински договори во Шангај за Nikkei вели дека профитот од таквата трансакција може да биде десетици милиони долари или дури да достигне 100 милиони долари. Европјаните не прашуваат за цена, а Кинезите се добри трговци.
Најголемата кинеска рафинерија на нафта Sinopec Group, исто така, признава дека вишокот LNG го пренасочила на меѓународниот пазар.
Локалните медиуми јавуваат дека само Sinopec продал околу 3,15 милиони тони гас. Вкупната количина на кинески LNG која е препродадена е веројатно повеќе од 4 милиони тони, што е еквивалентно на 7 отсто од европскиот увоз на гас за половина година.
Бизарно, ќе се сложите.