Крај за класичните рачни паркинг сопирачки?!
Сè помалку нови автомобили доаѓаат со класична рачна паркинг сопирачка, а проценките се дека во следните неколку години, сосема и ќе исчезне од пазарот
Британскиот портал Car Gurus пресметал дека само 24 проценти од новите автомобили доаѓаат со класична рачна паркинг сопирачка. Електричните паркинг сопирачки се тренд кој не запира. Новите модели на автомобили како Nissan Juke, BMW Серија 1, Peugeot 208 или BMW Серија 3 ја отфрлија рачната сопирачка. Единствените модели на автомобили во кои е присутна класичната рачна сопирачка, без разлика на верзијата и пакетот на опрема, се оние на романскиот производител Dacia.
Alfa Romeo, DS, Honda, Jaguar, Land Rover, Lexus, Mercedes, Porsche и Volvo веќе целосно ги елиминираа рачните сопирачки.
Се проценува дека во следните неколку години, рачните сопирачки целосно ќе исчезнат од пазарот. Електричните сопирачки за паркирање се попрактични, зафаќаат помалку простор и обично се придружени со функцијата Hill Hold Assist или помош при тргнување по угорнина, што е корисно за многу возачи.