Кинески летечки автомобил го изведе својот прв јавен лет во Дубаи / ВИДЕО
Летечки автомобил изработен од кинеската фабрика за електрични возила Xpeng Inc. го направи својот прв јавен лет во Обединетите Арапски Емирати, како дел од програмата на компанијата за лансирање на производот на меѓународните пазари.
Моделот X2 е целосно електричен летечки автомобил со две седишта со каросерија од јаглеродни влакна. X2 е летало со вертикално полетување и слетување (eVTOL-vertical take-off and landing) со две седишта кое се подигнува со помош на осум пропелери – по два на секој агол од возилото. Дизајниран е да се искачува до височини до 1.000 m, да крстари до 130 km/h и да лета до 35 минути со едно полнење.
„Чекор по чекор се движиме кон меѓународниот пазар“, вели Мингуан Киу, генерален менаџер за Xpeng Aeroht. „Го избравме Дубаи за првиот лет бидејќи е најиновативниот град во светот“, додава Киу.