Kia ја откри внатрешноста на новиот Sorento
Новиот Sorento својата премиера пред публика ќе ја има на авто салонот во Женева на почетокот од следниот месец
Kia во најавите веќе ја откри естетиката на екстериерот, а со новите фотографии на своите фанови сега ја открива и внатрешноста на моделот кој на глобално ниво е од големо значење за брендот. Новиот Sorento е пред премиера, а судејќи според најавите, ќе ги следи стапките на поголемиот Telluride.
Четвртата генерација покрај маркантниот изглед донесува значителен исчекор во салонот. Не само во споредба со претходникот, туку и со директната конкуренција. Производителот ја опишува со мотото „функционални чувства“, а кои велат дека се усогласени естетиката и функционалноста. Како и да е, новиот Kia Sorento има дигитален кокпит со 12,3-инчен екран и инфо-забавен екран од 10,25-инчи. Тука е уште еден екран за климатизацијата.
Исто така, интересно е и решението за контрола на менувачот, кое добило кружен механизам, не баш типично за автоматскиот менувач. Помалиот кружен прекинувач е за прилагодување на подвозјето во зависност од подлогата.
Сè на сè, може да се каже дека новиот Sorento со дизајнот, квалитетот на изработка и понудата на опрема сигурно нема да разочара.