Како би изгледал велосипедот на иднината, инспириран од Teѕla Суbеrtruсk?
Проектот Tesla Model M е дело на шпански дизајнер на автомобили
Ова е велосипедот на иднината. Или така барем размислува дизајнерот на автомобили Виктор Родригез Гомес, кој е креатор на проектот наречен Tesla Model M. Но, веднаш следи појаснување – проектот е личен и не е поврзан и одобрен од Tesla.
„Во блиска иднина, експоненцијалниот раст на населението на земјата, заедно со културата на масовна потрошувачка, ќе значи потреба од мултифункционални, ефикасни и еколошки средства за индивидуален транспорт”, вели Гомес.
Tesla Model M е инспириран од Tesla Суbеrtruсk – еден од проектите на Илон Маск. Првата генерација на електричниот пикап со екстравагантен дизајн беше веќе во 2019 година, но сè уште нема сериско производство. Самиот Маск неодамна изјави дека дел од причините за доцнењето се кризата со снабдување со чипови и полупроводници и проблемот со километражата на автомобилот. И додаде дека ако Tesla не успее да се справи со сето тоа, цената на високотехнолошкиот пикап може да достигне 1 милион долари.
Ако моделот М некогаш влезе во производство, авангардниот велосипед сигурно ќе ја реализира идејата на Виктор Гомез за еколошки транспорт. Но, барем засега, Tesla Model M се само убави слики. Дизајнерските скици покажуваат дека електричниот мотор ќе биде поставен ниско во шасијата со батерија веднаш над него. Тркалата јасно покажуваат дека не гледате во обичен велосипед. Рачките со елегантен изглед потсетуваат на рачките што се извлекуваат од сегашната линија на Tesla.
Задното светло, исто така, служи како јасен показател за името на електричниот велосипед, бидејќи формира светло-црвена буква M. Поголемиот дел од велосипедот е отстранлив простор за складирање. Тука е и копчето старт/стоп и одвојување на „ранецот“ како превенција од кражба.
