Хорор на бензинска пумпа! Запалено Porsche во кое седело жена додека се точело гориво / ВИДЕО
Благодарение на брзата акција на персоналот на бензинската пумпа нема повредени, додека осомничениот е уапсен од полицијата
Неверојатeн настан снимен од камера на бензинска пумпа во Шенжен, Кина.
Како што може да се види од видеото, откако возачот отишол во просториите на бензинската пумпа, до автомобилото Porsche Cayenne во кој се точело гориво се приближил маж, го извадил пиштолот за полнење, истурил бензин врз автомобилот и го запалил со запалка.
Потоа, човекот во сива јакна веднаш побегнал, а запалениот бензин брзо го зафатил целиот автомобил.
Очевидец на целиот настан бил друго лице во близина во чиј автомобил исто така се точело гориво, а бидејќи во автомобилот седела жена, не размислувал многу туку и помогнал да излезе од запалениот автомобил и ја однел на безбедно место. Истовремено, вработени во бензинската пумпа го гаснеле пожарот со противпожарни апарати и спречиле натамошно оштетување на возилото или бензинската пумпа.
Сепак, клиентите и околните жители набрзо биле евакуирани бидејќи пожарот повторно излегол од контрола и ја зафатил целата област, според дневниот весник Guangzhou Daily.
Локалната противпожарна служба испратила 15 противпожарни возила и 58 спасувачи на местото на настанот. Според Daily Mail, сторителот бил уапсен од полицијата која во моментов го истражува инцидентот.