Гребење, кршење…? Сега тоа е минато

Сегашните и идните сопственици на Ford F-150 имаат причина да бидат задоволни. Ова лето, тие добиле визуелни и перформантни пакети од производителот, а минатата недела и комплет за кревање на клиренсот. 

Сега компанијата Hyperperformance објави партнерство со компанијата Corning со цел на сопствениците на F-150 да им се понуди шофершајбна од Gorilla стакло. Почетна цена е 899,95 американски долари. Станува збор за истото стакло кое е отпорно на гребење достапно и на мобилните телефони. Ова е одлична надградба за американскиот бестселер, честопати користен како работно возило.

„Додека традиционалните шофершајбни се изработуваат од калено стакло, Corning користи хемиски калено стакло што е пофлексибилно, поиздржливо, и потенко со помалку искривување“.

Можеби многу пари за шофершајбна, но за оние (во САД) кои треба да го заменат фабричкото стакло повеќе пати, ова е одлична опција (900 долари со инсталација и двегодишна гаранција).

Corning во моментов ја дистрибуира шестата генерација на Gorilla стакло, кое е потенко, полесно и поотпорно на оштетување од претходните генерации. Главно се користи за покривање на електронски уреди, па дури и телевизори. Се произведува во Кентаки (САД), Јужна Кореја и Тајван.