Ford Focus Active – караван за сите терени
Низ својата историја, Ford веќе има стекнато искуство во работењето со хеџбек верзии на одредени модели кои биле модифицирани или редизајнирани во cross издание
Примери за тоа се Fiesta Active и Ka + Active, кои беа понудени на европскиот пазар. Затоа е логичен чекорот на американскиот производител да го претстави засилувањето на гамата на актуелниот претставник од категоријата на компактни хеџбек модели: Ford Focus Active Wagon, како згодна алтернатива на SUV моделите.
Новитетот се одликува со пластична заштита за долните делови од каросеријата, оригинални браници со црни или сребрени акценти, како и црни шини на покривот. Ако сте помислиле дека про-теренските атрибути се само визуелни или стилски детали, грешите. Прилагодена е суспензијата, нови амортизери…
Благодарение на овие модификации, клиренсот на новината напред е за 30 милиметри поголем од оној што кај класичниот хеџек, а позади дури за 34 mm. Ford Focus Active стандардno e опремен со 215/55 R17 пневматици, додека опционално можат да се добијат и 215/50 R18. Сепак, во однос на погонските тркала, нема место за избор на купувачите. Во сите верзии, погонските тркала се оние поблиску до моторот.
Покрај трите постоечки режими (Normal, Sport i Eco), кои се достапни и во стандардниот Focus, воведени се Slippery и Trail режими, наменети за возење по каллив пат, снег, мраз и песок.
Моторизацијата на Focus Active Wagon се состои од два EcoBoost турбо бензинци и два EcoBlue турбо дизели.
Основниот бензинец е 1.0 EcoBoost и испорачува 125 КС, а тука е и 1.5-литарската единица која испорачува 150 или 182 КС. Боите за дизелите ги бранат две понуди – 1.5 EcoBlue (120 КС) и 2.0 EcoBlue (150 КС). Речиси секоја погонска група може да биде опремена со шест-степен рачен или осум-степен автоматски менувач. Исклучок е само најмоќната бензинска единица која користи само рачен менувач.
ФОТО ГАЛЕРИЈА
[useyourdrive dir=”1BUWInigonP1RYmdg0boHBJaWfrjNbqrt” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Како што сега стојат работите, Ford Focus Active Wagon е наменет само за клиентите на Стариот континент поради добро позната одлука на раководството на американското производител да ја укине понудата на патнички автомобили други пазари (првенствено САД).