Еколошки и цврсти: Continental гумите во кои една состојка се рециклирани пластични шишиња влегуваат во продажба
Покрај тоа што се еколошки, овие гуми наводно носат и други придобивки
Некаде есента 2021 година германската компанија Continental го претстави новиот концепт на гуми наречен Conti GreenConcept. Во оваа гума повеќе од 50 проценти од материјалите се обновливи или рециклирани, вклучително и полиестер од рециклирани пластични шишиња. Сега овие гуми влегуваат и во продажба. GreenConcept гумата се состоеше од 17 проценти рециклирани материјали како што се рециклиран челик, обновени саѓи и рециклирана полиестерска мрежа добиена од ПЕТ (polyethylene terephthalate) пластични шишиња.
ПЕТ шишињата се преработуваат во полиестер со високи перформанси – по сортирањето, се отстрануваат нивните капачиња, механички се чистат и се дробат. Сет стандардни гуми за патнички автомобили користи околу 40 рециклирани ПЕТ шишиња.
Од Continental велат дека овој материјал прво ќе го користат во своите AllSeasonContact, PremiumContact 6 и EcoContact 6 летни гуми, во пет големини за секоја. Сите гуми произведени со технологијата ContiRe.Tex ќе се произведуваат во фабриката на Continental во Лусад, Португалија, а од страната ќе го имаат логото Contains Recycled Material.
Покрај тоа што се еколошки, овие гуми носат и други придобивки. Како што објаснуваат од Continental, текстилните јажиња во полиестерско предиво од ПЕТ шишиња ги апсорбираат силите на внатрешниот притисок на гумата и остануваат димензионално стабилни дури и при високи оптоварувања и температури.