Драматичен недостиг на чипови: Некои автомобилски производители дури купуваат машини за перење алишта и од нив ги отстрануваат чиповите!
Изгледа бизарно, но тешките времиња бараат одење во продавница за бела техника
Секој добар директор на автомобилска марка го има истиот кошмар – чип со големина на слон го брка низ празните фабрички дискови. Токму во моментот кога се подготвува да го зграпчи, директорот се буди облеан во пот и по таа траума повеќе не може да заспие. Шегата на страна, автомобилската индустрија е на колена поради недостигот на чипови. Иако голем дел од производството е пренасочено кон профитабилни теренци и профитот е ист, ако не и поголем (сите ги покачија цените на новите возила), долгорочните последици ќе се почувствуваат. Пониската продажба значи и тешко преживување за овластените сервиси во иднина, кои ќе работат со многу помалку возила.
Колку е голем проблемот со недостиг на чипови и полупроводници, покажува и следната вест. Можеби ќе делува неверојатно, но таа доаѓа од сериозна компанија, од устата на сериозен човек, директор. ASML е најголемата компанија за производство на литографски чипови, а нејзиниот лидер Питер Венинк тврди дека ситуацијата е толку драматична што некои индустриски производители купуваат машини за перење и ги отстрануваат чиповите од нив, а потоа ги вградуваат во нивните индустриски модули.
Веник не сакаше да именува за кои компании станува збор, но бидете сигурни дека меѓу нив има и производители на автомобили, бидејќи тие сепак произведуваат најскапа роба и се исплати да се купи машина за перење. Изгледа бизарно, но тешките времиња бараат одење во продавница за бела техника.