Даниел Крег стана почесен офицер на Кралската морнарица / ВИДЕО
Со нетрпение се очекува премиерата на најновиот филм од франшизата за агентот 007, Џејмс Бонд – „Не е време за умирање“. Покрај бројните најави поврзани со филмот, еден ги засени сите, а тоа е дека Даниел Крег е назначен за почесен командант на Кралската морнарица
Откако ја одигра улогата на британски поморски офицер, славниот актер по 15 години тоа и навистина стана. „Commander Daniel Craig“ сега и официјално се приклучи на Кралската морнарица како почесен офицер.
Со оваа нова титула, Крег ќе стане амбасадор и претставник на Кралската морнарица низ целиот свет, а исто така ќе биде вклучен во разни активности насочени кон поддршка на персоналот на морнарицата. Една од највозбудливите работи е тоа што тој ќе има можност лично да стекне увид и да стекне искуство со некои фасцинантни бродови и авиони, кои ние „обичните смртници“ можеме да ги видиме само на фотографии и видеа.
Всушност, поврзаноста на војната морнарица со филмот „Не е време за умирање“ е сложена. Не само што креаторите на филмот тесно соработувале со Кралската морнарица и RAF (Royal Air Force) за време на продукцијата, туку и неколку воени средства се појавуваат во новиот филм.
Едно од нив е „HMS Dragon“, моќен разорувач со неизбежниот велшки црвен змеј на телото. Станува збор за еден од шесте противвоздушни разорувачи Type 45, долг 152 метри, кој може да се види и во трејлерот за филмот. Продуцентскиот тим на „Не е време за умирање“, исто така, имал пристап до воздухопловната база на RAF, Брајз Нортон во Оксфордшир. Овој објект „глумел“ како воздушна база на НАТО во Норвешка, од која 007 полетува со C-17 Globemaster.
Интересно е што во Кралската морнарица има повеќе Бондови. Еден од нив е поручникот на воениот брод, Френсис Бонд, кој морал да се запознае со Даниел Крег. Тој вели дека и покрај шегите со колегите, тој никогаш не замислувал дека всушност ќе го сретне човекот што го игра агентот 007.