Дали ви е досадно на работа? Volkswagen претстави канцелариска фотелја која „вози“ 20 km/h! / ВИДЕО
Столот е опремен со електричен мотор, фарови, сирена, инфозабавен систем, звучници, камера…
Volkswagen бара нови клиенти, но наместо возачи, овојпат германската компанија се насочува кон луѓето кои се „заглавени“ зад бирото во канцеларија.
Новата високотехнолошка канцелариска столица на Volkswagen доаѓа со електричен мотор, фарови, сирена, инфозабавен систем, звучници, дури и шипка за влечење. Има и задна камера и сензори кои покриваат 360 степени. Пар фарови се вградени во потпирачите за раце за да го помогнат возењето, а во стилот на вистински гаџети за игри, столот е опремен со трепкачки LED диоди.
За луксузот да биде комплетен, достапно е и греење на седиштата.
Според VW, максималната брзина на седиштето е 20 km/h, а опсегот на батеријата е 12 километри.
Иако е целосно функционално, седиштето за жал не се продава. Станува збор за маркетиншки потег, односно реклама за новите модели на компанијата.