Експертите велат дека разликата во должината патот за запирањепомеѓу зимски и летни гуми на температури над 15 степени целзиусови, може да биде и до седум метри во корист на летните гуми

Во Македонија од средината на март, повеќе не е потребно да се користи зимска опрема во сообраќајот, но многу возачи се уште не ставиле летни гуми, а многу веројатно ќе најдете и такви кои користат зимски гуми во текот на целата година. Од друга страна, производителите на гуми советуваат употреба на летни гуми, се разбира кога е време за нив, и ги нагласуваат нивните предности во споредба со зимските гуми.

На повисоки температури, летните гуми обезбедуваат поголема безбедност, подобрено подобро управување, подобрено потпирање и помала потрошувачка на гориво, велат експертите од Goodyear.

Со изборот на вистински гуми и соодветно внимание кон нив, значително влијаеме на нашата безбедност и на безбедноста на другите учесници во сообраќајот. Поради тоа се препорачува дека, без оглед на бројот на километри, со доаѓањето на топлите денови треба да се одлучите за летни гуми, а зимските внимателно да се складираат до следната сезона.

Како што сугерира нивното име, летните и зимските гуми се специјално прилагодени за возење под одредени услови и затоа се разликуваат како по надворешниот дизајн, така и по хемискиот состав на гумената смеса.

Зимските гуми на површината имаат дополнителни гумени шилци кои обезбедуваат подобра тракција во снег и мраз, а летните гуми на контактната површина имаат поголеми и посилни блокови кои во свиоци и при кочење помалку се набиваат. Таквата конструкција овозможува подобра тракција, подобро ракување и пократко растојание за сопирање, кое во критични ситуации може да биде одлучувачки важно.

Разликата во должината на растојанието за сопирање помеѓу зимските и летните гуми, на температура над 15 степени, може да биде и до седум метри во корист на летните гуми, што е речиси една петина од патот за запирање на модерен автомобил, при кочење со брзина од 100 km/h.

Зимските гуми се значително помеки и затоа се однесуваат подобро на температура до седум степени. Но, ако возиме со нив во летната сезона, тие почнуваат да се загреваат, стануваат покрути и ги губат своите карактеристики. Под овие услови, во споредба со летните гуми, има многу повеќе абење и  потрошувачка на гориво.

Со цел зимските гуми да ги задржат своите добри карактеристики следната сезона, покрај правилната употреба, исто така е важно и соодветното складирање. Препорачливо е гумите да се чуваат во затемнета, сува и ладна просторија. Гумите со фелни треба да ги закачите на ѕид или да ги наредите една врз друга (максимум 4 гуми), а оние без фелни треба да се чуваат една до друга во исправена положба.

Пневматиците за цела година (Аll Season) се, како што е наведено со нивното име, наменети за употреба во текот на целата календарска година и во сите услови. Тие се еден вид компромис и обично немаат така добри перформанси како зимските или летните гуми.

Loading...