Освен за зимата и минусните температури, некои се полезни и за технологијата

Возачите на дизел автомобили веројатно се запознаени со достапните адитиви, а рекламите за нив чести. Самите трговци нудат горива богати со адитиви. Но, дали има смисла да се додава повеќе во резервоарот од она што веќе го има во горивото?

Адитивите се дополнителни супстанции што се мешаат со дизел горивото. Со нивна помош моторот треба да работи подобро. Вообичаено, станува збор за подолг животен век на самиот агрегат. Сепак, овие ветувања не треба да се земат здраво за готово. Многу поважно за моторот е правилната употреба.

На пример, важно е моторот да не работи под полно оптоварување додека е студен. Ова ќе придонесе многу повеќе за неговиот животен век отколку ако трошите пари на скапи адитиви.

Некои производители нудат адитиви кои содржат масло за дизел агрегати. Но, бидејќи сите важни супстанции се веќе содржани во дизел горивото  на бензинска пумпа, можете да ја прескокнете нивната употреба.

Адитивите за дизелот се особено потребни во текот студениот дел од годината. При ниски температури, дизел горивото може да се компресира. Ова обично се случува на температури под минус 20 степени целзиусови. Токму затоа се нуди и таканаречено „зимско“ дизел гориво, веќе помешано со адитиви кои му овозможуваат на автомобилот да работи подобро во зима.

Има и други адитиви кои можат да ви донесат финансиски и технички придобивки. Овие адитиви го чистат моторот внатрешно, го забрзуваат согорувањето на саѓите и го подобруваат протокот на гориво. Постојат и адитиви кои ги подобруваат подмачкувачките својства на маслото. Некои адитиви се специјално прилагодени за биодизел автомобили, а други пак за постари дизел мотори. 

Сите тие дефинитивно не му штетат на моторот, но можете и да се откажете од нивна употреба сè додека полните гориво од проверени бензински станици кои точат гориво веќе обогатено со сите потребни адитиви во согласност со стандардите.

Loading...