Британците бесни! Ќе се менува ознаката за државата на регистерските таблички
Британската влада во голема мера го користи фактот дека земјата го напушти европскиот блок, и благодарение на фактот дека жителите на островот веќе не се дел од Европската унија, се воведува нова кратенка за означување на земјата на потекло на возилата, што е причина за многу бесни па дури и насилни реакции на локално ниво
Како што изгледа, две букви беа доволни за да се разбудат духовите на Островот. Во иднина, кога ќе ја напуштат својата мултикомпонентна татковина, граѓаните на Велика Британија, наместо претходната ознака „GB“ (Велика Британија), ќе мора да имаат налепница со натпис „UK“ (Обединетото Кралство) на своето возило. Алтернатива е оваа ознака да се интегрира во регистарските таблички.
„Почнувајќи од 28 септември, старата ознака повеќе нема да важи“, велат властите во лондонското Министерство за транспорт.
„Промената на националната идентификација, што подразбира премин од „GB“ во „UK“, го симболизира единството на нашата нација и претставува уште еден чекор кон институционална употреба на ознаката што се воведува“, се вели во соопштението на министерството.
Оние што ја поддржуваат одлуката наведуваат дека конечно и жителите на Северна Ирска ќе се чувствуваат вклучени во националниот код, со оглед на тоа што овој регион не припаѓа на Велика Британија, туку припаѓа на Обединетото Кралство. Од друга страна, традиционалистите се револтирани од најавената промена и изјавуваат дека тоа е губење време и непотребен трошок, па дури и се толкува како „шлаканица во лицето“ на патриотите горди на Британија.
Одлуката беше критикувана и од Едмунд Кинг како претседател на Автомобилската асоцијација (Automobile Association – AA), потсетувајќи дека на многу олдтајмери ознаката „GB“ е вградена во металните регистарски таблички. Тој наведува дека во иднина, покрај таквите таблички ќе треба да се залепи и безличната одредница „UK“.
Налепниците кои ќе се користат во иднина чинат 1,5 фунти, може да се нарачаат преку Интернет, а достапни за купување се и во националната пошта.