Apple се уште не го покажал својот автомобил, a веќе е попопуларен од Tesla, BMW…
Повеќе од една четвртина од анкетираните 200.000 сопственици на нови автомобили, 26 отсто, рекле дека им се допаѓа брендот Apple
Секој септември, Apple ги открива своите клучни иновации за потрошувачите, вклучувајќи го iPhone и дигиталниот часовник од следната генерација. Оваа година, милиони фанови на Apple ширум светот повторно ќе гледаат пренос во живо со главниот извршен директор на компанијата, Тим Кук. Ќе зборува за се, но изгледа нема да го спомнува проектот за патнички автомобил кој се уште е обвиен во тајност. Засега за него не се знае ништо, освен дека е во развојна фаза, но и покрај тоа веќе е предмет на обожавање.
Ова го покажува истражувањето на американската компанија за истражување на пазарот Strategic Vision. Повеќе од една четвртина од анкетираните 200.000 сопственици на нови автомобили или 26 отсто, рекле дека им се допаѓа брендот Apple – и можеби ќе купат автомобил со значката на Apple. Така, непостоечкиот автомобил скокна на третото место на омилени брендови, зад класичните производители Toyota и Honda, но пред Tesla. Премиум брендот на Toyota, Lexus, како и BMW исто така се зад Apple. Интересно е тоа што дури половина од сопствениците на Tesla изјавиле дека би размислиле да тргуваат со своите автомобили за автомобил на Apple.