Американците и други економски гиганти ја рушат цената на нафтата: посегнуваат по државните резерви!
Оваа одлука е договорена со Кина, Јапонија, Индија, Јужна Кореја и Велика Британија
Цените на нафтата просто кажано здивеа и сега е време некако да се „стишаат“. Особено кога ќе почнат драстично да влијаат на животниот стандард, поскапувањето на другите производи и услуги. Американскиот претседател Џо Бајден најави дека американската влада ќе ги искористи своите стратешки нафтени резерви и со тоа ќе ја намали цената на суровата нафта на светските берзи. Оваа одлука е договорена со Кина, Јапонија, Индија, Јужна Кореја и Велика Британија. Вкупно, 50 милиони барели сурова нафта ќе бидат ослободени од американските резерви.
Менаџментот со месеци кажува дека ги бара алатките со кои располага за да го смири нафтениот пазар. Националниот просек за галон гас во понеделникот достигна 3.409 долари, што е зголемување од 2,11 долари од пред една година, пренесува CNBC.
Ако се сеќавате, за време на локдаунот, цените нагло паднаа. Производителите на нафта собрани околу OPEC намерно го ограничија производството за да избегнат понатамошен пад, и покрај барањата на Белата куќа за зголемено производство.
Сепак, оттогаш побарувачката нагло се зголеми, а цените на суровата нафта неодамна достигнаа највисоко ниво во последните седум години. Ова доведе до високи цени на горивата за потрошувачите насекаде во светот.
Американците се решени и велат дека се подготвени да преземат други мерки за да ја ограничат цената на нафтата. Многу кризи и онака се вештачки создадени, а во некои од нив најмоќните држави можат да покажат заби, ако сакаат.